تسببت الواقعة في حالة كبيرة من الحزن على مواقع التواصل الإجتماعي بينما كان للواقعة تأثير أشد قسوة على شقيق رضوي ويدعي مصطفي محمد الذي ودع أسرته كلها بكلمات تبكي القلوب وكتب على صفحته الشخصية بموقع التواصل الإجتماعي فيسبوك
الحمدلله على كل حال ولا حول ولا قوة الا بالله و انا لله و إنا إليه راجعون
في لحظة بس كل حاجة راحت
في لحظة مشيتوا كلكوا
في لحظة مشيتي يا رضوى ، مشيتي و سبتيني لوحدى تايه من غيرك ، لسه كنت بقولك الحياة قبلك كانت كئيبة
مش قادر اتخطى لحظة ما شوفتك و شوفتكوا في العربية ولله العظيم مش قادر ، صرخت زي المجنون في الشارع بنادي عليكي و عليكوا تفوقوا
ياربي ابتلاء شديد اوي ، شديييد
لكني راضي بحكمتك ، انت احن عليها من كل الناس و هي أطيب من انها تستحمل قسوة الدنيا
انا اكتر واحد عارفك يا رضوى ، كنتي جميلة اوي و طيبة اوي اوي ولله العظيم ، بس الطيبين بصدق ربنا بيختارهم
ربنا يرحمك يا رضوى ، ربنا يرحمك يا حبيبتي ، يعلم ربنا وحده انا حبيتك ازاي من كل قلبي ولله ، كنتي روحي و دنيتي ، كنا ضهر لبعض في كل حاجة
ربنا يرحمكوا كلكوا
هتوحشوني اوي ، و هتوحشني ذكرياتنا
هتوحشيني يا رضوى
إنا لله و إنا إليه راجعون
ادعولهم يا جماعة بالله عليكوا ادعولهم
و ادعولي ربنا يصبرني