ست مسنّة عمرها 70 سنة، بنتها داخلة تجري وتقول: «الحقونا يا دكتور… أمي بلعت معلقة شاي!»
يقول الدكتور: طبعاً محدّش صدّق في البداية، إزاي حد يبلع معلقة شاي أصلاً؟
لحد ما عملوا لها أشعة… وكانت المفاجأة: فعلاً في معدتها معلقة شاي كبيرة مش حتى صغيرة!
وفوراً دخلوا بيها غرفة العمليات، وقدر الفريق الطبي يطلّع المعلقة في وقت قياسي ما بين 5 لـ 7 دقايق بس.
وبيقول الدكتور إنه بعد ما عرف التفاصيل اكتشف إن السيدة كانت بتعاني من مرض نفسي، وإنها بلعت المعلقة كمحاولة منها للانتحار.