فجرت الإعلامية اللبنانية، نضال الأحمدية، مفاجأة جديدة، بشأن الفنانة شيرين عبدالوهاب، وزوجها الفنان حسام حبيب.
وقالت «الأحمدية»، عبر حسابها الرسمي على موقع التغريدات «تويتر»: «شيرين طلقت حسام حبيب»، مؤكدة أن أي خبر طلاق سابق كان مجرد شائعة، أما هذه المرة فالخبر مؤكد، بحسب ما ذكرته، لافتة: «كل المعلومات عن طلاقات سابقة كانت كاذبة الطلاق وقع اليوم».
تعتبر هذه ليست المرة الأولى التي تدخل فيها الإعلامية نضال الأحمدي علي خط العلاقة بين شيرين وحسام حبيب حيث فجرت نضال الأحمدي أزمة التسريبات الصوتية لوالد حسام حبيب والذي كان يؤكد فيها انه هناك اتفاق بينه وبين ابنه علي الاستيلاء علي أموال شيرين عبد الوهاب
وما كان من شيرين عبد الوهاب الا ان خرجت ببعض التصريحات قائلة
اكتفت شيرين عبدالوهاب في البداية بالرد على أزماتها مع زوجها حسام حبيب، عبر تغريدة على حسابها الخاص في موقع "تويتر"، وكتبت: "السلام عليكم ورحمة الله وبركاته، إحنا بألف خير"، كما قامت الفنانة شيرين عبد الوهاب حينها بإهداء زوجها حسام حبيب سيارة قدرها 5 ملايين جنيه.
وفي تعليقها على سيطرة زوجها حسام حبيب على حسابها المصرفي، قامت شيرين بإصدار بيان صحفي، أكدت فيه أن علاقتها بزوجها، لم تختلط أبدا بمعاملات مالية.
وقالت "عايزة أطمن كل الناس اللي بتحبني، أنا بخير، ومفيش أي نوع من الخطر عليا ولا على حياتي.. حسام جوزي إنسان من أنضف رجالة الدنيا، وإنسان محترم ومتربي وبيحبني أكتر من نفسه، وميستاهلش كم القسوة ده منكم".
تابعت: "حسام حبيب ربنا حطه في طريقي في وقت أنا كنت فيه متكسرة ومتدمرة، هو بنالي شخصيتي وخلاني بقيت بعرف أتكلم ورجعلي لنفسي تاني الثقة.. حسام ربنا هو اللي بعتهولي، وربنا مش هيعملي حاجة وحشة، وحسام بيحبني أكتر من نفسه أنا وبناتي".
أضافت: "حسام حبيب من ساعة ما اتجوزني مستفدش بأي حاجة، ومعملش لنفسه أي حاجة.. حسام عايش معايا بس عشان يخاف عليّا وعلى عيالي من كل شيء".
استكملت: "مفيش أي حاجة من اللي اتقال ده خالص، حسام إنسان نقي ونضيف وربنا هو اللي بعتهولي.. في حاجات كتير أوي بس مش المفروض أرد عليها، ولكن حماتي اللي ربت راجل أخلاقه كده لازم تكون ست عظيمة، حسام راجل عظيم وأمه ست عظيمة، وبتمنى منكم تدعولنا بالذرية الصالحة".
واصلت: "مفيش أي توكيلات باسم حسام حبيب، والفيز بتاعتي مش معاه، وكل الكلام ده مش مظبوط، لأن أنا كلي كده بتاعته، فـ فيز إيه وتوكيلات إيه.. أنا جوزي راجل متأصل وابن ناس ومن عيلة محترمة أوي أوي، ومقبلش أن حد يتكلم عنه كده لا هو ولا أمه".
استطردت: "حسام حبيب راجل مفيش منه خلاص، والناس اللي زيّه مبقوش موجودين.. وبالعقل كده، إحنا بقالنا 4 سنين متجوزين، لو كان فعلا راجل عايز يستفيد مني كان عمل حتى غنوة سينجل لنفسه، الناس لازم يبقى عندها عقل وتشوف".
أوضحت: "حسام حبيب راجل صايني وصاين عيالي، وكل الناس بتتخانق وتختلف، لكن هو بيحبني أكتر من نفسه.. أنا ربنا مديني قلب، وحاسة أنه بيحبني، وحاسة معاه بالأمان".
اختتمت: "حسام حبيب مضرنيش، حسام بالعكس فادني، وكفاية أنه طلع من حياتي كل الناس اللي كانت بتستغلني بجد.. حسام طلع كل الثعابين اللي كانت في حياتي وبتستغلني والحاجات الفاسدة".
جدير بالذكر أن شيرين عبدالوهاب تزوجت مرتين، الأولى من الملحن والموزع محمد مصطفى، واستمر الزواج 5 سنوات وأثمر عن ابنتين هما "مريم وهناء"، وتزوجت من حسام حبيب في أبريل 2018.