بهذه الكلمات نشرت سيدة مصرية مقطع فيديو عبر صفحتها على تيك توك تحدثت خلاله عن تجربتها في التعامل مع السودانيين وأشادت بطريقة تعامل الرجال السودانيين مع زوجاتهم مطالبة الرجال المصريين بالتعلم منهم في الاحترام والتقدير والحفاظ على الزوجة.
وقالت السيدة إنها تتوقع أن يسألها البعض عن سبب دفاعها عن السودانيين قائلة: محدش يقولي إنتي بتدافعي عنهم ليه وإيه دليلك؟ أنا قربت من الناس دي وعرفتها وكل ما أقرب منهم بكتشف حاجات مش فينا إحنا يا مصريين.
وتابعت حديثها عن طريقة تعامل الزوج مع زوجته قائلة: ياريت الرجالة المصريين تتعلموا من السودانيين الجدعنة والاحترام والتقدير لمراتك خصوصًا في الشارع حتى لو في مشكلة بينك وبين مراتك خليها في البيت.
وأضافت: على فكرة الراجل السوداني بيحاسبها في البيت ومش بالضــرب لا بيضــرب ولا بيعمل.. إحنا هنا بقى عندنا في الشارع ضرب وإهــانة وألفاظ وحاجة آخر قلة أدب مؤكدة أن ما تتحدث عنه جاء من خلال ما رأته وتعرفت إليه.
ولم تكتفِ السيدة بالحديث عن التعامل اليومي بين الزوجين بل انتقلت إلى الحديث عن الزواج والانفصال وقالت حتى في جوازهم لما السوداني يتجوز مبيخليش مراته أو عروسته تجيب أي شيء في البيت هو بيشيل كل حاجة.
وتحدثت كذلك عن الانفصال قائلة: ولو فكرت في الانفصال رغم إن معندهمش طلاق بس لو حصل بيتنازل ليها عن كل شيء حتى لو الشقة بيسيبها مش بيسيب مراته في الشارع ويقول الشقة شقتي والكلام ده لا مش بيعملوا كده خالص بيمشي هو يتصرف ويسيبها هي في البيت.
وقارنت السيدة ذلك بتجربتها الشخصية في الزواج والطلاق قائلة: أنا لما جيت أطلق ورفعت خلع خدت ملاليم في القايمة بتاعتي عشان أخلص اتنازلت عنها كانت بـ6 آلاف جنيه أقسم بالله لما لقاني مصممة ورافعة قضية خلع زوجي قال خلاص هطلقك بس تتنازلي عن القايمة.
وأضافت مستنكرة: شوفتوا المصري بيعمل إيه؟ لو سوداني كان عمل كده؟ قبل أن تعود للحديث عن الزواج قائلة: السودانيين مش بيكتبوا قايمة السودانيين كلمتهم واحدة.
وأكدت السيدة أن حديثها لا يأتي من مجرد متابعة عبر مواقع التواصل قائلة: أنا قربت منهم وعرفتهم وأضافت أنها أصبحت ترى في تعاملها معهم صفات أعجبتها وقالت: كل ما أقرب منهم بكتشف حاجات مش في المصريين.
وواصلت حديثها قائلة: السودانيين رجالة المصري بيهين ويشتم ويقل أدبه بجد أنا سعيدة ومبسوطة بكل سوداني وسودانية اتعرفت عليهم بحبكم كتير وأنتم بجد ناس محترمة وتشرف.
وفي نهاية رسالتها عادت لتوجيه حديثها للرجال المصريين قائلة: وياريت الرجالة المصرية تتعلم من الرجالة السودانية تقدير واحترام الزوجة في الشارع اتعلموا تحاسبوهم في البيت ومش بالضـرب ولا الإهــانة السوداني لا بيضرب ولا بيهيـ ـن ولا بيشـ ـ تم السوداني مش بيعمل كده.
وانتشر مقطع الفيديو على مواقع التواصل الاجتماعي وسط تفاعل واسع وردود فعل متباينة إذ أشاد عدد من المتابعين السودانيين بحديث السيدة بينما أثارت المقارنة التي أجرتها بين الرجال المصريين والسودانيين غضب بعض المتابعين المصريين الذين رأوا أن التجارب الشخصية لا يمكن تعميمها على مجتمع كامل.
واختتمت السيدة حديثها بعبارة حاسمة قائلة: واللي زعلان مني يخــبط دماغـه في الحيطة.