وعلقت الأميرة فوزية فاروق حفيدة الملك فاروق على واقعة سرقة العقد وكتبت على صفحتها الشخصية بموقع التواصل الإجتماعي فيسبوك
عرفت بحزن كبير جداً خبر سرقة العقد التاريخي لجدتي الملكة نازلي في فيينا.
القطعة دي مش مجرد مجوهرات بقيمة فنية وجمال استثنائي، لكنها جزء ما يتعوضش من تاريخ عيلتنا ومن التراث والهوية الثقافية لمصر. هي شاهد حقيقي على عصر كان مليان شياكة، وفن، وإبداع، وقيمتها ومعناها أكبر بكتير من مجرد أي مصلحة شخصية.
انا عندي ثقة إن السلطات المعنية والجهات الدولية بتاخد كل الإجراءات اللازمة عشان القطعة دي ترجع بالسلامة. وكل أملي إن بعد استرجاعها، تفضل التحفة دي محفوظة ومصونة بالتقدير اللي تستحقه، عشان يفضل تاريخها وقيمتها الثقافية عايشين لكل الأجيال اللي جاية.
