بدأت الواقعة عندما أصيبت الطفلة بإلتهاب رئوي حاد مما استدعى نقلها إلى المستشفى في حالة حرجة
ونتيجة الإهمال الطبي بمستشفى مبارك لجأت أسرة الطفلة الي نقلها من مستشفي مبارك الي مستشفي بولاق الدكرور فى سيارة إسعاف خاصة وعلى نفقة الأسرة ولغظت أنفاسها الأخيرة داخل مستشفي بولاق الدكرور بسبب وصولها إلى المستشفى في حالة متأخرة
وقال أحد أقارب الطفلة في تصريح خاص لـ مدونة أهل مصر
طفلة في مقتبل العمر، أهلها كانوا بيحاولوا بكل الطرق ينقذوها، خالها فضل أكتر من 10 ساعات بيجري ويحاول يوفر عربية إسعاف مجهزة عشان ينقلها من مستشفي مبارك لرعاية في بولاق الدكرور،
والرعاية في مستشفى مبارك "فاضية" قدام عنيهم
يعني إيه البنت تفضل 10 ساعات بين الحياة والموت، وأهلها ميتين من الرعب، والمسؤولين شايفين ومش بيتحركوا ؟
ليه الرعاية الفاضية دي مكنتش من نصيب البنت؟
هم الغلابة اللي مالهومش غير المستشفى دي، تمن حياتهم يكون الإهمال والبرود ده؟
بقالنا 15 سنة بنشتكي من "مستشفى مبارك"، ونفس السيناريو بيتكرر، ونفس الإهمال هو اللي بيتحكم في مصير الناس.
لحد إمتى هنفضل ندفع تمن "قلة النخوة" و"موت الضمير" بأرواحنا وأرواح ولادنا؟
حسبنا الله ونعم الوكيل في كل مقصر كان في إيده ينقذ روح ومستخسر فيها "كلمة" أو "قرار".
حق البنت دي لازم يرجع، والوضع في المستشفى دي لازم يتغير، كفاية استخفاف بحياة الناس!
ومن جانبهم ناشد أهالي منشأة القناطر السادة المسؤولين بوزارة الصحة بسرعة التحرك وفتح تحقيق فوري في حالات الإهمال الطبي التي شهدتها المستشفي وتشديد الرقابة عليها خاصةً أنها المستشفي الوحيدة التي تخدم منشأة القناطر وكل القري التابعة لها