خلال اللقاء، تحدث الفنان باسم سمرة عن وفاة طفلته وهو في غاية الصغر، وكيف كانت مشاهد في مسلسله الأخير «عين سحرية» تذكّره بها.
تحدث باسم عن ذكرى فقد طفلته الصغيرة قائلا: «توفت وهي صغيرة خالص، خمس شهور تقريبًا، ما لحقتش ألعب معاها لأنها اتولدت ودخلت الحضانة، وكنت بشوفها مرة سمحولي ألمسها كده من جوه الحضانة
وأشار إلى ما يصبر قلبه «الناس الكبار يقولولي دخلنا الجنة إن شاء الله.. سمتها حلي وكنا جيبنا ترب (مدفن) بابا جاب ترب وفعلاً كانت أول حد افتتحها… الله يرحمها وفي الجنة يعني إن شاء الله تأخذ بإيدينا. ودفنتها في الفيوم».
وتحدث باسم عن حالتها الصحية قبل وفاتها: «اتولدت وحطوها في الحضانة وقعدنا كده شوية.. وبعد ما عدى أربع خمس شهور توفت.. نعمة من عند ربنا، الله يرحمها أكتر حاجة وجعتني».
وعند سؤال «سمرة» عما إذا كان يتمنى أن يكون لديه ولد، قال بابتسامة حزينة: «أنا ما عنديش المشكلة دي، أنا عندي البنات بالدنيا كلها وحنين وأرزاقهم واسعة».
وأكد «سمرة» أن نظرته إلى الحياة اختلفت بعد وفاة ابنته: «في العادي كنت بعرف أتبسط في كل وقت، لكن السعادة والبهجة اختلفت شوية.. وخصوصًا إن ربنا كرمني من كل حاجة، لكن دي حاجة مش في إيد حد غير ربنا.. في وجع كده مبيخلصش، بس الحمدلله عندي بنتين زي القمر».