الفنانة مها نصار خرجت عن صمتها ونزلت بوست على فيسبوك قلب السوشيال ميديا، والرسالة كانت واضحة وصريحة وموجهة لـ "هند".. ومين هند؟ الكل بيأكد إنها النجمة هند صبري.
مها نصار قالت كلام يوجع، اتكلمت عن الردح قدام الناس، ومحاولات التقليل منها وكسـ.ـرها، وقالت بالنص: أنا ممكن أسامحك على سواد قلبك وغيرتك وحقدك.. لكن قلة الأدب مستحيل أسامح فيها.
بس الموضوع مش مجرد غيرة شغل، الكلام وراه أسرار تانية خالص!
الحكاية بدأت تتربط بطلاق مها نصار من المخرج حسين المنباوي مخرج المسلسل، والتقارير بدأت تلمح إن هند صبري هي السبب الأساسي في الانفصال ده وهدم البيت، مش هدى الإتربي زي ما كنا متخيلين، وده اللي خلى مها تخرج عن شعورها وتكشف إن فيه حملات تشويه مدفوعة بتتعمل ضدها وضد هدى الإتربي.
مها قفلت الكلام بجملة قوية جدًا: أنا مش من مدرسة كل عيش واعمل نفسك مش واخد بالك، وكأنها بتبعت تهديد أخير إن اللي جاي هيكون أصعب بكتير.
الجديد بقى والي بيتردد في الكواليس، إن الموضوع مكنش مجرد غيرة تمثيل أو خناقة على أوردر شغل، الحكاية إن مها نصار اكتشفت إن هند صبري هي العقل المدبر اللي كان بيحاول يشوه صورتها قدام جوزها المخرج حسين المنباوي عشان تخرجه من حياتها تماماً، وبالفعل ده اللي حصل وانتهى بالجواز بالانفصال الرسمي.
مش بس كده، التفاصيل بتقول إن مها عندها سكرين شوتس ورسائل بتثبت إن فيه حملات إلكترونية ممولة بآلاف الجنيهات كانت بتطلع كل يوم تهاجم مها في جمالها وموهبتها، والهدف كان واحد: هدم كرامتها قدام الوسط الفني كله.
والصدمة الأكبر إن مها لمحت إن هدى الإتربي كانت هتبقى الضحية الجاية عشان كده قالتها بوضوح: صبري خلص.. واللي جاي رد اعتبار مش مجرد كلام.