وتطرقت عبد العزيز خلال اللقاء إلى إمكانية دخولها تجربة الزواج مرة أخرى، إذ أوضحت أنها لا تستطيع إصدار حكم نهائي حول هذا الأمر، مؤكدة ضرورة التوازن بين القلب والعقل في اتخاذ القرارات المصيرية.
وقالت: «مش عايزة أقول إني مش هتجوز.. ألاقيني متجوزة تاني يوم ويبقى شكلي وحش، ومينفعش الواحد يمشي بقلبه بس، لازم القلب والعقل مع بعض»
ولدى ياسمين عبد العزيز خلال حياتها زيجتين، الأولى كانت من رجل الأعمال محمد حلاوة والثانية من الفنان أحمد العوضي..
قبل 6 أعوام، وعبر نفس البرنامج «معكم مع منى الشاذلي» حكت ياسمين عبد العزيز عن علاقتها بزوجها الأول محمد حلاوة
وقالت: «أنا عمري ما كنت عايزة أتجوز وده بسبب عقدة حصلت لي من وأنا عندي تسع سنين لما أهلي اتطلقوا. كنت دايمًا بقول لأصحابي مش هتجوز غير لما أوصل للتلاتين».
وأضافت: «وافقت على الجواز بعد ما محمد فضّل مصمم لمدة تلات سنين».
وتابعت: «الزواج استمر 17 سنة. لما أعلنت طلاقي كنت أصلًا منفصلة بقالى سنة ومحدش كان يعرف محمد أبو عيالي راجل محترم ولازم أحترمه الطلاق كان برغبتي والإعلان كان لازم يحصل عشان الناس تعرف».
واختتمت: «علاقتي بيه زي الفل بيكلمني ويسأل عليا، بينا احترام».
محمد نبيل محمد حلاوة، رجل أعمال مصري يعمل في مجال الصناعات الغذائية، ينحدر من أسرة ثرية، كان والده محافظ كفر الشيخ سابقًا، كانت والدته تمتلك مدرسة خاصة بها.
ويبلغ عدد أولاد ياسمين عبدالعزيز من زوجا السابق محمد حلاوة 2 هم «ياسمين وسيف»، بخلاف 4 أبناء من زوجته الأولى وتوأم من زوجته الحالية الفنانة ريهام حجاج.
في 2020، كشف الفنان أحمد العوضي عن زواجه من الفنانة ياسمين عبد العزيز.
وقال عن بداية علاقته مع ياسمين عبدالعزيز: «تم ترشيحي في مسلسل (لآخر نفس) وأنا كان نفسي أشتغل مع ياسمين عبدالعزيز، والشركة لما رشحتني قالولي إنه دور ضابط وأنت قلت مش هتعمل دور ضابط، ولكن لما عرفت إنه مع ياسمين عبدالعزيز قلتلهم لا عادي أنا أعمل الدور مفيش مشكلة».
وأضاف: «لما روحت بروفة (لآخر نفس) لقيت المخرج قاعد وفيه كرسيين جنبه فاضيين، فقلت لما أقعد على الطرف هتيجى تقعد في النص مش هعرف أتكلم عشان هتتكلم مع المخرج برده، فقررت أقعد جنب المخرج وميكونش في كرسي فاضي غير اللي جانبي، وحصل فعلا وجات سلمت عليا، قلتلها معلش مش معايا نسخة من الإسكريبت ممكن أبص معاكِ فقالتلي اتفضل عادي».
وأكمل: «واتكلمنا بقى وكلمة مني وكلمة منها وضحكت يبقى خلاص قلبها مال، والموضوع جه زي أي علاقة عادي، تعارف وإعجاب وحب ثم زواج».
وأردف: «زواجي من ياسمين عبدالعزيز لم يكن في شهر مايو، ولكن كان في شهر يناير وقت عيد ميلادها».
واختتم: «الأخبار اللي كانت بتنزل بأن ياسمين أكبر مني بـ12 سنة، غير صحيحة هي أكبر مني بـ6 سنوات فقط».
وأعلنت الممثلة ياسمين عبدالعزيز والفنان أحمد العوضي انفصالهما رسميًا في يناير 2024 بعد زواج استمر حوالي خمس سنوات، وأكد الطرفان استمرار الاحترام المتبادل بينهما.