واستكملت ولية الأمر قائلة : المدرسة قفلت باب الفصل وحطت ديسك علشان محدش يدخل وفضلت تلطش فيه بالعكاز وبايديها على جسمه ووشه وتتعدى عليه لغايه ما الولاد بتوع ثانوى واعدادى سمعوا صريخه ومدرسة ومدرس تانيين كسروا باب الفصل علشان ينجدوا ابني من تحت ايدها
وقالت ولية الأمر : مدير المدرسة قال لي معلش اصلها تعبانه نفسيا ! .. لو تعبانة نفسيا تقعد فى بيتها ابني كان ممكن يموت فى ايديها لو محدش لحقه
وأضافت : قلبى مقهور على ابني ومنظره وهو راجع مقهور وبيعيط ويقولى والله ماعملت لها حاجه دى كانت حاتموتنى ، وابنى مش عاوز يرجع المدرسة ومدمر نفسيا
وقالت : أنا أخذت الإجراءات القانونية وعملت لها محضر عشان المدرسة دى تاخد جزاها الى تستحقه ، وأنا أطالب وزارة التربيه والتعليم ووزارة الداخلية والمجلس الأعلى لحقوق الطفل بالتحرك لرد حق ابني
وكانت قد تلقت جميع المدارس مع بدء العام الدراسي الجديد 2025 / 2026 تعليمات عاجلة تنص على منع أى شكل من أشكال العقاب البدني أو النفسي للطلاب واتخاذ الإجراءات القانونية تجاه المخالفين .
وشددت التعليمات الصادرة من وزارة التربية والتعليم والتعليم الفني لجميع المدارس الموجودة على مستوى الجمهورية ، على الالتزام الكامل بتطبيق اللوائح المنظمة للانضباط المدرسي وتطبيق احكام لائحة التحفيز التربوي والانضباط المدرسي وأساليب التحفيز التربوي لضبط السلوك وتعزيز احترام القواعد داخل المدرسة