وقال إدوارد :هحذف الحلقة لأن الناس اتضايقت، وأنا عمري ما بحب أزعّل الجمهور، دي أول مرة أشوف الحلقة، وأنا نفسي ماكنتش أعرف إنها غير متزنة نفسيًا.
وأوضح أن البرنامج يُذاع على الهواء مباشرة، ما جعله غير قادر على التحكم في مجريات الحلقة أو حذفها مسبقًا، وأضاف: لو كانت الحلقة مسجلة، كنت حذفتها فورًا، لكن رغم إنها كانت على الهواء، احترمت وجودها وأنهيت الحلقة بطريقة لائقة.
وعبّر إدوارد عن استيائه من الهجوم الذي تعرض له بعد إذاعة الحلقة، قائلًا: مضايق من الكلام اللي بيتقال، والناس شايفة إن دي سقطة مني، بس أنا مش مسؤول عن حالتها النفسية، ومكانش ينفع أقولها إنتي بتهزري أو أتكلم معاها باستهزاء.
واختتم حديثه مؤكدًا أن هدفه من البرنامج ليس السعي وراء التريند، بل دعم الفنانين الذين ابتعدوا عن الأضواء، وقال: أنا مش مطلعها علشان أعمل تريند، أنا بساعد الناس اللي مختفية ترجع تاني وتاخد فرصة تظهر قدام الجمهور.
وفي هذا السياق هاجم أحد النقاد إستضافة إدوارد للفنانة عزة سعيد وعبر قائلاً
مش مصدق إن الإنسانية تجردت من الناس لدرجة إن قناة تجيب ممثلة واضح إنها مريضة نفسيًا و يقرروا يشتغلوها و يكملوا الفقرة علشان تكون مادة للتريقة و التريند! .. البرنامج ده استضاف الفنانة عزة سعيد اللي قالت خلال الحلقة إنها " كانت متفقة على بطولات من أول ما اتولدت علشان تعملها لما تكبر بعد ٢٠ سنة - و يوسف شاهين كان بيدور عليها علشان عايز يشتغل معاها - و كانت متفقة على ٢٠ فيلم لشريف عرفة - و خدت ملكة جمال مصر في دبي من سنة - و من شهرين خدت ملكة جمال لبنان و هتسافر تستلمها في أمريكا - و انها فازت بجوايز من مهرجانات في العالم كله - و ليها ٣ أفلام في السوق دلوقتي بيتعرضوا - ياسمين عبدالعزيز و غادة عادل و منى زكي كانوا بيختاروهم علشان هما أشهر منها لكن هي كانت بطلة و بيتباع بيها - عندها ١٦ فيلم كل سنة و محل ألماظ " و للأسف الشديد ماكنتش بتهزر و كانت بتتكلم بجد .. واضح إن حلم البطولة و النجومية اللي ماوصلتش ليهم خلاها تتجنن و الموضوع مش كوميدي خالص إن حد يتتاجر بحلمه الضايع و يأسه و مرضه النفسي كان ممكن جدًا بعد التصوير الفقرة ماتتعرضش أو الفنان إدوارد يشرح للناس اللي حصل لإخلاء مسئوليته عن اللقاء المهين ده ، حرام عليكوا