بتقول فجأة مش بيرد والتليفون اتقفل وبعدها جه الصبح متبهدل ومضـ ـروب وبسأله في ايه قال مافيش كنت مع اصحابي ودخل ينام، بتقول كلمت امي جت شافته وسألته قالها مافيش حاجة انا عاوز انام
بيحكوا إن محمد صحي مفزوع وخرج على برة جري وبعدين جالهم خبر انه خد قرص غـ ـلة، بيقولوا طلعوا جري على الجامعة علشان نحاول نلحقه
قالوا احنا ماكناش نعرف حاجة غير لما الدكتور بيسأله ليه يا محمد بتعمل كده أهله مزعلينك أو عاملين حاجة فيك قاله لا بس 4 شباب من البلد كتفوني واغتصـ ـبوني وصوروني وانا خدت الحباية علشان ما حدش يكسر عيني
اهله قالوا عرفنا اللي حصل بعدها بقى أنهم كانوا جايبين بنت ومحمد مش عجبه الوضع وقفلهم ومشاها قاموا مسكينه رابطين أيديه ورجليه وفي ايدهم سـ ـلاح وعملوا معاه غصب عنه نفسه اتكسرت
والده بيقول لو كان قالي كنت جبتله حقه تالت ومتلت، والدته بتقول كسروا نفسه ابني بسببهم مات وبقى في التـ ـربة انا عاوزاهم زيه كده، يتكسر عينهم وقلب أهلهم ينحـ ـرق زي حـ ـرقتي على ابني محمد
والدته بتقول احنا كان بينا خلاف مع حد منهم وكسروا ايدي قعدت 60 يوم في الجبس، هما مستقصدينه لازم يتحاسبوا وحقه يجي، مش ههدى ولا ارتاح الا لما يتحاسبوا
