وكتب عبر حسابه الشخصي بموقع X
هناك تفسير يحاول ان يكون عميق وله اسبابه ووجاهته ان بكابورت التيك توك الذي طفح مؤخرا مهندس منظم معمول علشان يلهى الناس عن اشياء حدثت او ستحدث .
واضاف طبعا هذه المدرسه موجوده فى بلدنا من زمان وليست اختراعا جديدا ولكن فى هذه النظره الواعيه الفاهمة نسأل كذا سؤال : اولا اذكر متى نجحت هذه الطريقه فى تحويل اهتمامات الناس الان وزمان انت فى بلد حصل فيه ثورتين فى عدد محدود من السنين .
وتابع السؤال التانى وهو الاهم هى مشاكل مصر ممكن الالهاء فيها بهؤلاء دنتا لو ولعت فى التيك توك كله فاتوره كهربا واحده ترجع المصريين للواقع بسهوله .
وأكمل واخيرا انتوا ليه متخيلين ان غالبيه الميت مليون قاعدين على التواصل ، للاسف محدش شايف المواطن الحقيقى عملنا عالم تخيلى وشعب تخيلى كمان . المشاكل مستحيل تتحل بالإلهاء ده لو موجود اصلا . الكارثه الحقيقيه يا ساده لو طلع ورا اللى بيحصل ده وطيان وسفاله وانحدار وتخلف حقيقيين غير منظمين وان يكون ما نراه هو تعبير عن اضمحلال ومرايه للتدهور فى الذوق العام تلك هى الماساه الحقيقيه .مفيش حاجه حتعرف تلهى فى حاجه اسمها الشغل وتحسين احوال الناس ، اما النظريات العميقه لتفسير الانحدار هى اخطر من المصيبه نفسها لانها شخصيا دون ان تدري وسيله الهاء هى الاخرى . مشاكل مصر معروفه يا ساده وهى غير مرشحه للحل بسرعه او بسهوله ،والحلول مكتوبه على كل الجدران فى الداخل او الخارج ولم نعد بحاجه الى اختراعات والناس فى بلادى يعلمون ولا يلتهون وانما امام التحديات حتى الان هم صامدون
