وقال الصحفي احمد حافظ على مسؤوليته الشخصية
عن واقعة فصل ولاد البلوجر أم مكة من المدرسة:
= النهاردة خرجت والدة البلوجر اللي كان اتقبض عليها (أم مكة) بمجموعة فيديوهات ومقابلات مع مواقع إلكترونية بتقول فيها: المدرسة فصلت ولاد بنتي علشان كان مقبوض عليها.. وهقلب الدنيا على المدرسة.. وهفضح الدنيا علشان ولاد بنتي ملهمش ذنب يتفصلوا من المدرسة.. ولا بنتي عملت حاجة تتحبس عليها.
= وقبل ما نقول الحقيقة: الله يربط على قلبك يا أمي ويخليكي لأولاد بنتك.. ويخليهم ليكي ولأسرتهم.
= أما الحقيقة للي عايز يعرفها: لا أولاد أم مكة اتفصلوا من المدرسة.. وأولاد أم مكة مسجلين في مدرسة خاصة لغات في إدارة الخصوص التعليمية (مش هقول اسمها) ومعايا مستند رسمي بقيد ولاد أم مكة التلاتة على قاعدة بيانات وزارة التربية والتعليم في نفس المدرسة اللي دخلوها من أول رياض الأطفال لحد دي الوقت.. (واحدة كي جي ٢ واتنين أولى ابتدائي) ومسجلين بنفس المدرسة للعام الدراسي الجديد ٢٠٢٥- ٢٠٢٦ ومنقولين للصف الأعلى بنفس المدرسة للسنة الدراسية الجديدة.
= مش عارف ليه ده اتقال من حفيدة أولاد أم مكة.. رغم إن المدرسة مسجلاهم عندها ضمن طلابها في العام الدراسي الجديد وده موثق رسميا على قاعدة بيانات الوزارة.. يعني لا اتفصلوا ولا هيتفصلوا والموضوع أصلا كله على بعضه محصلش لا من المدرسة ولا من غيرها.
= بلاش نخترع ترند من العدم