وكتبت دعاء نصر:” الترند الجديد أسرع واحد جاله حقه في التاريخ، المقصود به أحمد السقا بعد مها الصغير ما أستولت على فلوسه وطلبت الطلاق ،وعشان أحنا شعب بينسى بسرعة نسي ان ده حق أبوها محمد الصغير مصفف الشعر العالمي، إللي سرقته هي و والدتها ملكة العلايلي “.
وأضافت:” في يناير عام 2021 قامت مها الصغير بسرقة والدها محمد الصغير رحمة الله عليه، اثناء احتجازه بالمستشفى مصاب بمـ.ـرض كور.ونا، بين الحياة والمـ.ـوت فاقد للنطق والوعي، فاستغلت مها حالة والدها وقامت بتنفيذ خطة غير شرعية وهي رجوع والدتها ملكة العلايلي “المطلقة” من محمد الصغير منذ 22 عام، إليه مرة اخرى، للاستيلاء على أمواله هي ووالدتها ملكة العلايلي
وأكملت:” راحت المستشفى هي والمأذون والشهود إللي هما مصطفى الصغير شقيق مها و الدكتور يحيى البستاني، وكتبوا كتاب محمد الصغير على ملكة العلايلي وهو في هذه الحالة، بعدها شقيقها محمد رفع قضية والدته طـ.ـ،ـعناً في الزواج إزاي ما اعرفش، وطبعاً بعلم زوجها أحمد السقا إللي جه عليه الدور في 2025 وقامت مها أيضاً بسرقته”.
وتابعت:” ما هو شاف بعينه زوجته وهي بتسرق ابوها، فامش فاهمة إزاي أستغرب من سرقته كزوج، و طبعا رفضت أتكلم يومها عن الظلم إللي وقع عليه محمد الصغير رحمة الله عليه، رفضت اتكلم حفاظا على عدم افتضاح أمر ابنته لانه كان صديق مقرب وراجل محترم وسمعته لا غبار عليها، ولا يستحق ذلك، رفضت أعلن عن ما فعلته ابنته مها وعن ان فلوسه وشقاه راح لست طلقها من 22 سنة سبب يصعب ذكره مع انه معلوم لجميع العاملين بمحلات محمد الصغير، وبسببه محمد الصغير كان يقبل العـ.ـمى ولا يقبل أنه يشوفها”.
وأوضحت:” كتبت مها على صفحتها الشخصية يوم ما تعب وهو حواليه ناس كتير أوي طلب مني أطلب أمي في التليفون، وطلب يشوفها وجت له على طول، يوم ما حس إنه ضعيف أوي وتعبان بجد طلب ضهره وسنده إللي بجد مش في المنظرة، وجت وطلب منها متزعلش منه وإنها تتجوزه على سنة الله ورسوله تاني، ووصفت أمها بالعظيمة وقالت هذه العظيمة اتجوزته وهو محلتوش حاجة وفي عز ضعفه، ورجعت له وهو في عز ضعفه برده ونام في حضنها وهو مرتاح أوي”.
وأكدت:” مش فاهمة إزاي بس تمام، ومؤخراً قامت مها بسرقة 3 فنانين، هم الدنماركية ليزا نيلسون، والفنان الفرنسي سيتي، والألمانية كارولين ويندلين بسرقة أعمالهم الفنية خلال ظهورها في برنامج منى الشاذلي لحد ما الخبر وصل لأصحاب اللوحات وافتضح أمرها بجانب انها قامت بتقليد حقائب عالمية من ماركات مختلفة ضمن خط إنتاجها للحقائب اليدوية، عايزة اقول لمها كفاية سرقة وأرجعي إلي الله “.
وأردفت:”خصوصا ان ربنا كان مستحيل هيسامحك على سرقتك لوالدك وهو على فراش الموت، فكان من الاولى إنك تتوبي مش تستمري، كان كفاية قسوتك على أبوكي قبل وفاته رغم حنيته عليكي، ده لوحده لا يغتفر،.ومعلومة صغيرة، محمد الصغير كان يفكر في الزواج قبل وفاته بـ5 أشهر من سيدة غير طليقته ملكة العلايلي, ولكنها رفضت بسبب فارق السن، سامحني يا محمد على تأخير حقك اللي كنت فاكراه وقتها أنها فضيحة لك قبل ماتكون لبنتك اللي ستر ربنا مادامش عليها كتير وفضحها أمام العالم كله