احتلت حادثة الطريق الدائري التي وقعت في صباح اليوم السبت حديث مواقع التواصل الإجتماعي لما سببته تلك الكارثة من ضحايا من الوفيات والمصابين بعضهم إصابتهم إصابة خطيرة
ومن ضمن الوفيات كان الدكتور مهند مبارك 37 سنة طبيب أسنان ويعمل في مستشفي البنك الأهلي
وكان يشهد له الجميع بحسن الخلق
وكان آخر ما كتبه دكتور مهند علي صفحته الشخصية بموقع التواصل الإجتماعي فيس هو بوست يتذكر فيه والده الراحل جاء فيه
بجد وحشتني اوي وحشني مكالمتك ليا كل جمعة الصبح عشان اصحي أصلي الجمعة وحشتني مكلمة كل يوم الصبح معاك تطمن فيها عليا وضحتك ال دايماً موجودة والناس كلها فاكراك بيها وفاكرين حبك ليهم .. ما باقتش عارف اتفرج علي كورة من غيرك مين يبعتلي الاجوان بعد كل ماتش
اكلم مين بعد الماتش نتناقش في التفاصيل
هفضل ادعي كل يوم اشوف عيالي زيك في حنيتك و قلبك الابيض وكرمك
رمضان من غيرك وانت مش في وسطنا ملوش طعم كل حاجة ملهاش طعم من غيرك قعدتنا ع السفرة نقصها اهم واطيب واحد
هسافر مع مين الساحل ونقعد مع بعض طول الصيف هزار و ضحك و سهر
قبل ما تطلع العناية المركزة قولتلي تعالي نتصور انت كنت عارف انها المرة الاخيرة لو كنت اعرف انها اخر مره اكيد كانت هتفرق في الوداع
انت عارف انك كنت معايا في كل خطوة صغيرة و كبيرة ودا المصعب عليا دلوقتي كل حاجة
هيفضل ضحكنا وهزارنا حاجة عمري معرف أنساها طول عمري
هفضل احكي ل عيالي عنك اد ايه انت كنت شخص متتعوضش
عارف انك في مكان احسن بدعيلك وهفضل ادعيلك لحد ما اشوفك قريب يا اغلي حاجة في حياتي