قال أمير مرتضى منصور المشرف السابق على الكرة بنادي الزمالك: "أنا مقتنع بالسحر وحصل أكتر من ثورة في مصر وأكتر من نظام اتغير والنادي الأهلي ما بيحصلهمش حاجة ولا بيتأثروا بحرب أوكرانيا ولا كورونا ولا عقود رعاية ولا بيتأثر بلعيب يتصاب".
وأضاف خلال الجزء الثالث من لقائه ببرنامج "أسرار" الذي تقدمه الإعلامية أميرة بدر بقناة "النهار": "فيه حاجة غلط في المعادلة عن نجاح الأهلي واستقرار في ظل الظروف والأزمات، يعني الكورة بتاعت زيزو في نهائي القرن اللي جت في العارضة في الدقيقة كام وأفشة يرد ويجيب جون وياخدوا البطولة، وانا مقتنع ان فيه حسد وأعمال".
وتابع أمير مرتضى منصور:"في إفريقيا احنا بنروح بالمية بتاعتنا والأكل من مصر لإن فيه أعمال وسحر بيحصل".
وأكمل: "مش عايز أقلل من النادي الأهلي هو منظومة قوية جدًّا في وسط منظومة رياضية ضعيفة فهو قادر ينجح لوحده، الأهلي أقوى من اتحاد الكرة ووزارة الرياضة وأقوى من الأندية كلها، هو ناجح علشان السيستم غلط بس ده مش معناه إن لو السيستم صح مش هينجح ممكن ينجح بردو".