حلّ الفنان أحمد أمين، ضيفًا على محطة راديو إنرجي 92.1، في برنامج أضا أخف من أضا، تقديم محمد طارق أضا، متحدثًا خلال الحلقة عن مسلسله الأخير الصفارة، كما أشاد بالفنانين أكرم حسني وطه دسوقي، بجانب الحديث في عدة موضوعات أخرى.
وجاءت أبرز تصريحات أحمد أمين على النحو التالي:
مش هعمل جزء ثاني من مسلسل الصفارة إلا لو لقيت فكرة أقوى وغالبًا ده مش هيبقى السنة الجاية.
أنا جاهز لقرار الجزء الثاني من مسلسل ما وراء الطبيعة لكنه يرجع لجهة الإنتاج.
أستعد حاليًا لتجربة مسرحية ارتجالية مفيهاش ولا كلمة مكتوبة.
مسلسل الصفارة كان هيتقدم على مدار 30 حلقة لكن قرر فريق العمل تكثيف القصص في 15 حلقة فقط.
هناك قصص وشخصيات تانية في مسلسل الصفارة متعملتش منها قصة كنت بصحى ألاقي نفسي متجوز تلاتة.
أنا وأكرم حسني لو بصينا لبعض بنفهم بعض وبيننا عشرة ومحبة ربنا يديمها.
أمنيتي أقدم شخصية الموسيقار محمد فوزي.
طه دسوقي عنده كاريزما وقبول قوي جدًا.
اشتغلت في تصميم بوستر فيلم أفريكانو وكنت ديزاينر في بدايات استخدام الفوتوشوب.
شطارة وذكاء أكرم حسني وثقته في نفسه بيخلوه يحب التعاون مع اللي شغالين معاه.
لو مكنتش ممثل كنت أحب أدرس للأطفال حكي وتمثيل.
هناك أكتر من مشروع لـ رمضان الجاي بس لسة مستقرتش ومتعاقدتش على حاجة.
الموقف اللي كنت أحب أصوره هو نظرة أمي ليا لما بعمل حاجة تدعو للفخر.
مسلسل الصفارة
على جانب آخر، شارك أحمد أمين في موسم رمضان الماضي 2023، من خلال مسلسل الصفارة، الذي ضم عددا من الفنانين، أبرزهم الفنانة آية سماحة، حاتم صلاح، وغيرهم.