شهدت مواقع التواصل الاجتماعي، حالة من الغضب والحزن الشديد من قبل طلاب الصف الأول والثاني الثانوي وأسرهم وأصدقائهم، بعد الإعلان عن نتيجة الامتحانات التي أسفرت عن رسوب أكثر من نصف طلاب الصفين في واقعة تعد هي الأولى من نوعها، حيث لم تتخطَ نسبة النجاح في عدد كبير من مدارس الجمهورية الـ10%.
ولاقى عدد من الطلاب حتفهم بعد الإعلان عن النتيجة، حيث توفوا قهرًا وحزنًا على مستقبلهم، وفقدوا الأمل في الحياة، واتهم أولياء الأمور وزير التربية والتعليم والتعليم الفني الدكتور طارق شوقي بأنه هو المسئول عن وفاة هؤلاء الطلاب، وضياع مستقبل أبنائهم، مطالبين بإقالة الوزير وإعادة النظام القديم.
وقالت بسنت محمد والدة إحدى الطالبات عبر صفحتها على موقع "فيسبوك": حسبي الله ونعم الوكيل بجد يعني البنت مش عارفين أي اللي حصلها بجد ربنا ينتقم منه لحد الساعة ١١ بليل الناس موجودة في المدرسة، مطالبة بإقالة وزير التربية والتعليم وعودة النظام القديم.
ونشرت صباح حسن: عارفين ده أي؟، دي قهرة ملايين من الطلاب على مستوي الجمهورية، دي ناس تعبت طول السنة مجهود ومصاريف وطاقة وطلع عينها ومطلعنها بمواد وهما داخلين أهم سنة ف حياتهم 3 ثانوي، دول طلاب اتكسر بخاطرهم وخاطر أهلهم بسبب منظومة فاشلة زي دي، بيجرب فينا ومش مقدر إن احنا بشر، عمرها ما حصلت في تاريخ الثانوية العامة ف اي سنة سواء سنه نقل أو شهاده يعني أي مدرسة كاملة نسبة النجاح فيها 10٪!.
وتابعت: تخيل بدل م تجهز لـ 3 ثانوي لا هتروح تدور على مدرس تاخد عنده دروس عشان تعدي السنة دي وطبعا مصاريف تاني ومجهود تاني تقريبا نص الدفعة داخلة دور تاني ومستقبل خلاص بيدمر، بس إنها توصل لوفاة طلاب كده كتير كده مينفعش تسكتوا حرام مستنين أي يعني حسبي الله ونعم الوكيل اتقوا يومًا ترجعون فيه إلي الله.
وقالت دعاء مهران: بجد الموضوع بقا صعب أوي يعني كل شوية نسمع عن حالة وفاة أيًا كان سبب نتيجة سبب ضغط نفسي سبب أي حاجة المهم أن الأسباب مبتخرجش عن التعليم وإلى بيحصل في المدرسة والبنات إلى انهارت بسبب النتيجه، أنا أعرف ناس أقسم بالله بتفكر تنتحر الموضوع بقا صعب وحاجه زفت أوي ومحدش حاسس الواحد بيبقي نفسه يحقق حاجات كتير أوي وبيشوف إلى بيحصل بيخاف.
ونشرت ساندي شريف على "فيس بوك": مدرسة الشهيد ماجد أحمد عبد الرازق حصل فيها مهزلة مدرسة محدش نجح فيها غير 15 بنت حسبي الله ونعم الوكيل في دي منظومة.