شهدت مدرسة بدر الإعدادية بنين بالدقي محافظة الجيزة بالأمس في إحدى لجان الثانوية العامة الشعبة الأدبية
واقعة توزيع كتيب المفاهيم علي الطلاب بدون الجزء الخاص باللغة الألمانية أثناء إمتحان اللغة الألمانية
وفي أول رد فعل للطلاب أخبروا مراقب اللجنة ان كتيب المفاهيم خالي من السبع ورقات الخاصة باللغة الألمانية دون استجابة من مراقب اللجنة
بالإضافة الي انه في نهاية اللجنة طلبت منهم مراقبة اللجنة الجزء الخاص باللغة الألمانية وانكرت انها قامت بتسليمه للطلاب دون السبع ورقات الخاصة باللغة الألمانية وكتبت إحدي أولياء الأمور عن تفاصيل الواقعة قائلة
ابنى بيمتحن ثانوية عامة الشعبة الادبى بلجنة رقم 9 بمدرسة بدر الاعدادية بنين بالدقى
النهاردة فى امتحان الالمانى تم توزيع كتيب المفاهيم ناقص ال 7 ورقات الاضافية الخاصة بامتحان الالمانى ولما الولاد قالوا للمسئولة عن توزيع الكتيب ان الورق ناقص قالتلهم لا هو ده بس فالولاد سكتو ظنا منهم ان هو فعلا كده وخلاص
لكن ان اللى حصل ان المسؤلة جت فى اخر 5 دقائق من الوقت تلم منهم كتيب المفاهيم وبتقول انا عايزة كتيب المفاهيم وال7 ورقات دول فالولاد زعقت وقالت احنا مخدناش الورق ده وقولنا لحضرتك ان فيه ورق ناقص قولتى مفيش والمراقب نفسه قال لها ان الولاد قالولك كده فعلا وقولتى مفيش والورق ده كان فيه كل المفاهيم اللى هتفيد الولاد فى الحل بتاعهم ويبقوا متأكدين من حلهم خصوصا فى الجرامر وهى بكل برود تقول لهم خلاص حصل خير ..ارجو النظر فى هذه الشكوى سريعا لان ده اهمال فى مستقبل طلبة طالع عينهم همة واولياء امور طول السنة وتيجى واحدة مهملة تضيع كل ده ....ملحوظة ان لجنة ابنى فقط هى اللى ما استلمتش ورق المفاهيم كامل