شهدت محكمة جنايات المنصورة الدائرة الرابعة برئاسة المستشار بهاء المري منذ قليل اول جلسات محاكمة محمد عادل قاتل الطالبة نيرة اشرف التي عرفت إعلاميا بطالبة جامعة المنصورة
وفي أول تصريح له قال محمد عادل مفيش دخان من غير نار انا ونيرة ضحية أسرتها اللي رفضوا جوازي منها
وأثناء مواجهته مع أسرة نيرة نفوا تماما ما يردده محمد عادل
جدير بالذكر أن قاعة المحاكمة خلت تماما من حضور اي شخص من أسرة محمد عادل
وجاءت اعترافات محمد عادل كالتالي
وفي اعترافات المتهم محمد عادل قاتل نيرة أشرف قال: «أهلها قالوا لي عايزين نحل الموضوع ويخلص ما بينكم ولو عايزين تولعوا في بعض بس ماتجيبش سيرتنا في أي حاجة، وكنا داخلين على سنة تالتة كان باقي على الدراسة شهرين، ومن هنا بدأت أفكر إني أنتقم منها، وخفت أبعتلها كلام كويس، وأهلها كانوا بيوصفوا الكلام ده وبيقول ده بيجري وراها وكنت عايز أقولها إني مش عايز أأذيها وعايز ننهي الموضوع ده».
وأضاف المتهم في اعترافاته: «قبل بداية سنة تالتة بحاجة بسيطة، أبوها كلمني على الموبايل وقالي لازم نتقابل وعايزين نقعد ونشوف حل ومحتاج مساعدتك وأنا معرفش هو كان عايز إيه بالظبط، ومكانتش صدمة بالنسبة لي وكنت متوقع عشان قعد يقولي أنا اتضحك عليا زيك، وأمها هي اللي عملت كده وكانت عايزاها كده وتقولها اعرفي ده ومتعرفيش ده وأنا غصب عني».
المتهم: أبوها قالي أنا زيي زيك
وأضاف المتهم: «قلت له أمال أنا لما جيت لك البيت قعدت تقولي أنا ماليش دعوة قالي أنا كنت بقول الكلام ده كله عشان أمها لأنها هي اللي ماسكة الدنيا ولو كنت قلت غير الكلام ده كانت بتبعتلي أهلها ويشدوا عليا وبيحصل مشاكل وأنا كنت مضطر أقولك الكلام ده، وقعد يحلف لي على المصحف وقعد يعيط، ويقولي أنا زيي زيك وهي فضحتني مش على موضوعك بس ده مواضي ع كتير».