صرح مصدر مسؤول بوزارة التربية والتعليم والتعليم الفني انه تم التوصل الي هوية الطالب الذي قام بتصوير إمتحان التربية الدينة للثانوية العامة وجاء في تصريحات الأستاذ أحمد حافظ الخبير التربوي خاصة عبر صفحته الشخصية الرسمية بموقع التواصل الاجتماعي فيس بوك
= كل طالب صور ونشر أجزاء من امتحان مادة التربية الدينية للثانوية العامة النهاردة، اتعرف اسمه ولجنته ورقم جلوسه وأكيد اتمسك وهو جوه اللجنة، لأن الورق المتداول على مواقع التواصل الاجتماعي عليه الكود السري الخاص الخاص ببوكليت الأسئلة بتاع الطالب.. للأسف فيه طلبة صورت ورقة واحدة، واتصور معاها الكود السري لأنه لازم بيظهر في الصورة.. حتى لو تم إخفاء الكود السري، فيه وسائل تانية (مش هقولها) بيتعرف منها دي ورقة مين.. عايز أقول للطلبة دي حرام عليكم يضيع مجهودكم ومجهود أهاليكم، لأنكم ببساطة، أقل عقوبة هتصدر ضدكم الرسوب هذا العام في كل الامتحانات ده لو مطبقتش عليكم مواد قانون مكافحة الغش بحذافيرها، وتتحرموا من الامتحان سنتين.. وفي إيه؟.. في مادة الدين؟!.
= لا تلوموا إلا أنفسكم