وقال العدل، في حواره مع الإعلامية بسمة وهبة مقدمة برنامج "العرافة"، على قناة المحور المصرية: "قعدنا معاه واتفقنا، وكنا في بداية المرحلة اللي الرجالة كانوا بيلبسوا فيها شورتات وجزم من غير شرابات، وعملنا فريم على قد عمرو دياب".
وأضاف العدل: "عمرو دياب خاف واعتذر في الآخر، واشتغلنا مع أحمد السقا في فيلم صعيدي في الجامعة الأمريكية وفيلم همام في أمستردام، وكان مؤهل يبقى بطل، وبالفعل شارك في أول بطولة منفردة له في فيلم شورت وفانلة وكاب".
ولفت، إلى أن الفنانة نور اللبنانية ممثلة عظيمة، لكن طريقة نطق اللهجة كان عائقا أمامها: "مكنتش بتتكلم زي هند صبري أو درة، مرة طلعت فلسطينية في أصحاب ولا بيزنس، ومرة تانية كانت شامية في فيلم شورت وفانلة وكاب، وحسيت إنها هتكون عائق".
وحول العمل الفني الذي كبده أكبر خسارة، قال: "فيلم صاحب صاحبه أكتر عمل خسرني، لكن محصلش إني استجبت لضغط محمد هنيدي، مفيش أي ضغوط".
وتابع: "لما شوفت ورق الفيلم، أنا لا أميل إلى الفانتازيا، ومكنتش حابب أعمله، لكن قررت أعمله، وعملنا فيلم مافيا في نفس الوقت، وكان في دماغنا إن صاحب صاحبه هيصرف على صاحب صاحبه، لكن اللي حصل هو اللي العكس".