أعلنت الفنانة الهام شاهين تضامنها مع المستشار احمد عبده ماهر في رفضه سن قانون خاص باذدراء الأديان معللة ان كل واحد حر في علاقته مع ربنا
وكتبت علي صفحتها الشخصية الرسمية بموقع التواصل الاجتماعي فيس بوك التالي :
أتضامن مع المستشار أحمد عبده ماهر و أرفض قانون إزدراء الأديان مفيش حاجه فى أى مكان فى العالم إسمها إزدراء أديان .. كل واحد حر فى علاقته بربنا . .
و هو اللى يحاسبه .. و الاجتهاد فى تفسير الدين بما يتلائم مع روح العصر مطلوب جدا لتنوير العقول المتحجرة هذا الرجل أفكاره كلها محترمه و إنسانيه جدا .. و كل ما ينقده من أفكار غريبه و شاذه .. نرفضها جميعا .. لأنها لا يمكن تكون من صحيح الدين بأى منطق نعم .. نرفض إرضاع الكبير .. و أكل لحم الأسير .. و زواج الطفله دون البلوغ .. و نجرم تفخد الرضيعه .. و نرفض فضح أسرار الرسول الخاصه مع زوجاته ..و نرفض قتل المرتد و تارك الصلاه .. و نرفض فكرة جهاد الطلب الذى يبيح الهجوم على الأمم و قتل رجالهم و سبى نسائهم و بيع أطفالهم و الإستحواذ على ممتلكاتهم و إستعمار أراضيهم .. و نطالب بإحترام كل الأديان .. مسلم أو مسيحي أو يهودي أو حتى بوذى .. نحترم حقوق كل إنسان و علاقته بربه .. و ربنا وحده يحاسب الجميع .