وكتبت زوجة الفنان شريف عواد عبر حسابها
شروق ابنتى وابنة الفنان شريف عواد كانت يوم الجمعة اللى فاتت اللى هوه اليوم اللى قبل افتتاح المتحف والتنقلات داخل الجيزة صعبة كنا كعيلة قاعدين نفكر هنتغدى إيه وفجأة لقيتها بتـ.ـصرخ أنا حاسه بصداع وعينى مش شايفة بيها كل الحاجات اللى حواليه بعيدة،
أبوها نزل وخدها بسرعه على أقرب مستشفى لينا ف الهرم قاسوا ضغطها لقوه واطي علقولها محاليل وسألوها انتي متضايقة من حاجة ؟ حد مزعلك ؟ ولما قالتلهم لأ ، خلصت المحاليل والوضع متحسنش قالولها روحي نامي، أبوها قلق خدها وداها طوارئ فى مستشفى ف العجوزة سألوها نفس الأسئلة ولما قالتلهم لأ قالولها انتى بتدلعي روحى نامي من غير ما حتى يقيسولها الضغط،
واحنا تقريبا صدقنا وخدناها تنام صحيت الصبح تانى يوم فى حالة أسوء الصداع مخلصش وحركتها بقت صعبة ومش مدركة للمسافات أبوها خدها وداها مستشفى ثالثة أصر يعملها رسم مخ فعملولها أشعة مقطعية على المخ واكتشفوا إن عندها نزيف في المخ وإنها مش بتدلع وحاجزينها بقالهم أسبوع فى العناية المركزة لمحاصرة النزيف،
المحزن إن الدكاترة بيتعاملوا مع الشباب فى السن ده إنهم بيتدلعوا واحنا كأهل لو كنا فضلنا مصدقين الدكاترة وممشيناش ورا خوفنا على ولادنا الله أعلم كان هيجرا إيه أسوأ من كده، أنا قلقانه على بنتى أوى وهي خايفة عليا إنى مش ماشية فى مشوار علاجى من السـ.ر.طان وأنا مش شايفة أى أهمية لحياتى إلا عشان شروق ، هي دايرة مش عارفة هتخلص إمته ربنا وحده اللى